Lidhja Demokratike e Kosovës sot shënoi 17 vjetorin e themelimit. Në fjalimin e tij, presidenti i Kosovës, Fatmir Sejdiu, që është edhe lider i LDK-së, tha se "kanë mbetur edhe vetëm disa muaj deri te zgjidhja e statusit". Ai mëtutje u shpreh se Kosova është e vendosur për të ndërtuar një shtet demokratik në mënyrë që të krijohen kushtet për integrim në strukturat evro-atlantike. Zoti Sejdiu tha se LDK-ja mbetet subjekti më i madh politik në Kosovë.
