Ministri i jashtëm i Gjermanisë Joschka Fischer ka dënuar ashpër kryengritësit shqiptarë për thyerjen e armëpushimit në Maqedoni, ndërsa ka akuzuar qeverinë e Shkupit për nxitjen e një fryme anti-perëndimore. “Është plotësisht e papranueshme, që guerrilasit të largojnë popullatën sllavo-maqedonase nga rajonet ku ajo jeton” ka thënë ministri Fisher. Më pas ai ka dënuar ashpër sulmet e dhunshme të qytetarëve sllavo-maqedonase mbi përfaqësitë e huaja në Shkup.
