Ndërlidhjet

PARIS


Presidenti francez, Jacques Chirac, dhe kryeministri britanik, Tony Blair, në një takim në kryeqytetin francez, afirmuan sot vendosmërinë e vendeve të tyre për të luftuar terrorizmin ndërkombëtar. Chirac tha se Franca do të marrë pjesë në çdo përgjigje “të duhur dhe efektive’, siç e cilësoi ai, kundër sulmeve shkatërruese të javës së kaluar në Shtetet e Bashkuara. Presidenti francez tha se nuk është marrë ende një vendim për modalitetet e përgjigjes, për të cilën ai tha se çdokush e ka të qartë që është e pashmangshme. “Është shumë e qartë se ne duhet të ndërrmarrim aksione kundër personave përgjegjës” deklaroi Tony Blair, duke iu referuar sulmeve vrastare të së martës së kaluar në Nju Jork dhe Uashington.
XS
SM
MD
LG