Kryeqytetin e Maqedonisë, e ka vizituar sot edhe ministri i jashtëm jugosllav. Pas takimit me Goran Sfillanoviçin, kryetari i Partisë Demokratike Shqiptare, Arbër Xhaferri ka thënë se midis të tjerash është biseduar për mundësinë e lirimit sa më parë të të burgosurve shqiptarë të Kosovës, të cilët mbahen në burgjet e Serbisë. Arbër Xhaferi vlerësoi gjithashtu se vizita e sotme është një tregues tjetër se shqiptarët mbeten faktor vendimtar për paqen në Maqedoni.
