Ndërlidhjet

SHBA, Rusia do t'i fillojnë bisedimet bërthamore


Ministria e Jashtme ruse tha se Rusia dhe Shtetet e Bashkuara javën e ardhshme do t'i nisin bisedimet për ta zëvendësuar traktatin për kontrollin e armëve bërthamore, i cili është nga koha e Luftës së Ftohtë.

Presidenti amerikan Barack Obama dhe presidenti rus Dmitry Medvedev janë zotuar që Traktati për Reduktimin e Armëve Strategjike (START), të zëvendësohet me një marrëveshje të re para se t'i skadojë afati në muajin dhjetor.

Marrëveshja e vitit 1991 vendos kufizime të rrepta për predhat dhe kokat bërthamore që mund t'i kenë Moska dhe Uashingtoni.

Zëdhënësi i ministrisë së jashtme, Andrei Nesterenko tha se bisedimet mund të fillojnë në 24 prill në Romë, ndërsa marrëveshja START do të diskutohet edhe në muajin maj në takimin e Ministrit të Jashtëm, Sergei Lavrov dhe Sekretares së Shtetit, Hillary Clinton.

Newsletter

Gjithçka që duhet të dini për temën më të diskutuar të javës jua sjellim të enjteve në tre minuta. Regjistrohuni për t'u informuar të parët!

XS
SM
MD
LG