Arabia Saudite e filloi sot vakcinimin e popullatës kundër gripit të derrave, duke u dhënë përparësi punonjësve të qeverisë të angazhuar në haxhin e përvitshëm i cili fillon nga fundi i nëntorit.
Agjencia zyrtare e lajmeve SPA tha se zyrtarët e Ministrisë së Shëndetësisë janë të parët që do të pranojnë vakcina kundër virusit H1N1.
Bëhet e ditur se vakcina gjithashtu do t’u shpërndahet të gjitha organizmave qeveritarë, të përfshirë në organizimin e haxhit, i cili do të kulminojë prej 25 deri 29 nëntor.
Autoritetet e shëndetësisë kanë thënë se mbretëria tashmë e ka marrë dërgesën e parë të 11 milionë vakcinave që ka urdhëruar.