Rusia tha se pret që Irani të japë një “përgjigje zyrtare pozitive” ndaj planit të Kombeve të Bashkuara për pasurimin e uraniumit “në një të ardhme të afërt”.
Komentet e zëdhënësit të Ministrisë së Jashtme, Andrei Nesterenko pasuan paralajmërimet e përsëritura të presidentit Dimitri Medvedev se nuk mund të përjashtohen sanksionet e reja kundër Iranit nëqoftëse nuk do të ketë lëvizje rreth marrëveshjes bërthamore.
Plani parashikon që një sasi e uraniumit të pasuruar në nivel të ulët të dërgohet në Rusi dhe Francë për t’u shndërruar në karburant bërthamor, dhe pastaj të kthehet në Iran.
