Një komandant i lartë iranian tha se Teherani planifikon të mbajë manovra ajrore, me synim të mbrojtjes së lokacioneve të programit bërthamor.
Agjencia e lajmeve Fars citoi kreun e shtabit të forcave ajrore, gjeneral brigade Ahmad Mihani, të ketë thënë se “këtë javë manovrat do të mbahen me qëllim të mbrojtjes së stabilimenteve tona bërthamore”.
Agjencia zyrtare IRNA tha se manovrat do të fillojnë sot, por nuk dha detaje tjera.
