Tre aktivistë të opozitës në Bellorusi janë burgosur sepse organizuan një protestë, ku njerëzit hodhën vezë mbi një karikaturë të presidentit Aleksandr Lukashenka.
Të burgosurit ishin në mesin e grupit që u arrestua të mërkurën, pasi në një rrugë frekuentuese vendosën pikturën e një njeriu me mustaqe, i cili përfaqësonte Lukashenkan.
Nën karikaturën qëndronte mbishkrimi :”Nëse nuk e doni regjimin, hidhni një vezë mbi mua”, kurse para pikturës qëndronin disa kuti me vezë.
Aktivistët, anëtarë të grupit opozitar “Bellorusia e Re”, u akuzuan për pjesëmarrje në tubim të palejuar dhe u dënuan me shtatë deri 15 ditë burg.
