Shefi i NATO-s Anders Fog Rasmussen tha se ai pret një përkushtim prej “disa mijëra” trupash për forcën e ISAF-it në Afganistan.
Trupat do të shërbejnë bashkë me 30 mijë ushtarët amerikanë, për të cilët u zotua presidenti Barak Obama në 1 dhjetor.
Në konferencën e NATO-s në Mons të Belgjikës, pritet të konfirmohen zotimet e aleatëve për 7 mijë trupa shtesë.
Një zyrtar i lartë amerikan i mbrojtjes sot bëri thirrje që trupat shtesë të aleancës të jenë të gatshme deri në fillim të vitit 2010, që është afat i fundit për dërgimin e trupave shtesë nga Shtetet e Bashkuara.
