Kina bëri thirrje për dialog të vazhdueshëm për të zgjidhur krizën rreth programit bërthamor të Iranit, duke thënë se “ende ka vend” për diplomaci.
Deklarata e zëdhënëses së ministrisë së Jashtme, Xhiang Ju erdhi pasi Sekretarja amerikane e Shtetit, Hillari Klinton tha se SHBA-të ende janë të hapur për negociata, por shtoi Uashingtoni tashmë i ka filluar bisedimet me aleatët për “presione dhe sanksione” të reja ndaj Teheranit.
Irani e ka hedhur poshtë fundin e 2009-ës si afat të caktuar nga fuqitë perëndimore për ta pranuar marrëveshjen mbi pasurimin e uraniumit.
