Ministri i Shëndetësisë i Kosovës, Bujar Bukoshi, dhe ministri i Shëndetësisë i Maqedonisë, Bujar Osmani nënshkruan sot në Prishtinë Marrëveshjen e bashkëpunimit në lëmin e shëndetësisë.
Të dy ministrat vlerësuan se nënshkrimi i kësaj marrëveshje i hap rrugë intensifikimit të bashkëpunimit midis dy shteteve, duke pasuar parasysh se Kosova dhe Maqedonia kanë interesa të përbashkëta edhe në fushën e shëndetësisë.
Marrëveshja i obligon dy ministritë që të bashkëpunojnë në shkëmbimin e informatave në fushën e shëndetësisë, shkëmbimin e personelit mjekësor, kontaktet mes institucioneve shëndetësore, si zhvillimin e projekteve të përbashkëta.
