"Disa pengesa" po i vihen Turqisë në rrugën e saj drejt integrimit në Bashkimin Evropian, është ankuar kryeministri turk, Rexhep Taip Erdogan. Ai tha se vendet e tjera nuk ishin përballur me situata të ngjashme.
Megjithatë Ankaraja është e vendosur të vazhdojë procesin e negociatave me BE-në, tha Erdogan pas takimit në Sofje me homologun e tij bullgar, Bojko Borisov.
Borisov tha se Bullgaria mbështet anëtarësimin e Turqisë në Bashkimin Evropian. Bullgaria iu bashkangjit bllokut në vitin 2007.