Rusia ka shprehur keqardhje për reagimin e kryeministrit japonez lidhur me vizitën e fundit të presidentit rus Dimitri Medvedev në ujdhesat Kurile, deklaroi ministri i Jashtëm, Sergei Lavrov.
"Shprehjet e tilla nuk janë diplomatike", tha Lavrov duke komentuar deklaratën e kryeministrit Naoto Kan, i cili pat thënë se vizita e Medvedevit është "fyerje e pafalshme".
Nga fundi i Luftës së Dytë Botërore Moska mban kontrollin e ishujve Kurile, të cilat Tokio i quan Territore Veriore.
Mosmarrëveshjet rreth ishujve nuk i kanë lejuar të dyja vendet që të nënshkruajnë edhe zyrtarisht traktatin e paqes që i jep fund armiqësive nga Lufta e Dytë Botërore.
Japonia e ka caktuar 7 Shkurtin si Ditën e Territoreve Veriore.