Presidenti i Jemenit Ali Abdullah Saleh e ka shtyrë vizitën e planifikuar në Shtetet e Bashkuara, për t'u përballur me sfidat që i kanosen nga protestuesit në vendin e tij.
Agjencia shtetërore e lajmeve Saba raportoi se shtyrja e vizitës u bë "për shkak të zhvillimeve në rajon".
Dje policia e Jemenit i shpërndau mijëra protestuesit, të cilët marshuan në kryeqytetin Sana duke kërkuar reforma politike dhe dorëheqje të presidentit.