Ndërlidhjet

OKB: Uria kaplon edhe një rajon tjetër të Somalisë


Kombet e Bashkuara kanë tërhequr vërrejtjen se uria ka kapluar edhe një rajon tjetër në rajonin e Somalisë, që do të thotë më shumë se gjysma e jugut të këtij vendi tash vuan nga uria.

Në një komunikatë për shtyp, OKB-ja vlerëson se 750 mijë njerëz kërcënohen nga vdekja në katër muajt e ardhshëm, nëse nuk dërgohen ndihmat adekuate.

Deri më tash, sipas OKB-së, rreth 4 milionë somalezë janë prekur nga kriza.

Somalia është goditur më së rëndi nga uria që ka kapluar Afrikën Lindore. Kenia, Etiopia dhe Xhibuti janë prekur gjithashtu.
XS
SM
MD
LG