Kryeministri i Kosovës, Hashim Thaçi tha sot se Serbisw për herë të parë zyrtarisht iu tregua se rruga e saj për në Bashkimin Evropian kalon përmes Kosovës.
Ai mirëpriti kushtëzimin që Brukseli ia bëri Beogradit lidhur me marrjen e statusit të kandidatit për anëtarësim, ndërsa theksoi rëndësinë e normalizimit të raporteve Kosovë-Serbi.
“Shpesh herë padrejtësisht dhe në mënyrë naive, jemi akuzuar se po ia shkurtojmë rrugën Serbisë për në Bashkimin Evropian përmes dialogut që ndodhte e që po ndodhë në Bruksel. Në fakt, ndodhi ajo që pritej të ndodhte; e kundërta, pra”, u shpreh Thaçi në një konferencë për media pas kthimit nga Brukseli.
Pas takimit të djeshëm të Këshillit Evropian, i cili miratoi konkluzionet e takimit të 5 dhjetorit të këshillit të ministrave të BE-së, Thaçi u zotua se do të përmbushen të gjitha kushtet për integrimin evropian të Kosovës “në kohë rekorde”.
Ai shprehu gatishmërinë që personalisht të mbikëqyrë realizimin e agjendës për liberalizimin e vizave dhe për marrëdhëniet tregtare me Bashkimin Evropian.
Thaçi nuk deshi, megjithatë, të komentojë premtimin që kishte dhënë më parë, sipas të cilit qytetarët e Kosovës do të mund të lëvizin pa viza në BE brenda 15 muajve të parë të mandatit të tij të dytë si kryeministër.
Ai mirëpriti kushtëzimin që Brukseli ia bëri Beogradit lidhur me marrjen e statusit të kandidatit për anëtarësim, ndërsa theksoi rëndësinë e normalizimit të raporteve Kosovë-Serbi.
“Shpesh herë padrejtësisht dhe në mënyrë naive, jemi akuzuar se po ia shkurtojmë rrugën Serbisë për në Bashkimin Evropian përmes dialogut që ndodhte e që po ndodhë në Bruksel. Në fakt, ndodhi ajo që pritej të ndodhte; e kundërta, pra”, u shpreh Thaçi në një konferencë për media pas kthimit nga Brukseli.
Pas takimit të djeshëm të Këshillit Evropian, i cili miratoi konkluzionet e takimit të 5 dhjetorit të këshillit të ministrave të BE-së, Thaçi u zotua se do të përmbushen të gjitha kushtet për integrimin evropian të Kosovës “në kohë rekorde”.
Ai shprehu gatishmërinë që personalisht të mbikëqyrë realizimin e agjendës për liberalizimin e vizave dhe për marrëdhëniet tregtare me Bashkimin Evropian.
Thaçi nuk deshi, megjithatë, të komentojë premtimin që kishte dhënë më parë, sipas të cilit qytetarët e Kosovës do të mund të lëvizin pa viza në BE brenda 15 muajve të parë të mandatit të tij të dytë si kryeministër.