Ushtruesi i Detyrës së Shefit të EULEX-it, Endi Sparks, i ka dorëzuar shefit të Agjencisë së Regjistrimit dhe Gjendjes Civile, Blerim Camaj, kopjet e 52 regjistrave të gjendjes civile për territorin e Janjevës, të komunës së Lipjanit, të certifikuara nga EULEX-i.
Sparks ka thënë se ky është një hap i vogël, por shumë i rëndësishëm, meqenëse shënon “fillimin e diçkaje shumë më të madhe”.
"Numri i përgjithshëm i regjistrave që duhet të jenë të certifikuar në këtë proces, do të jetë me mijëra. Pra, ky është një projekt i madh. Ne tani i kemi marrë të gjitha masat për këtë. Së shpejti, në Nish të Serbisë, ne do të fillojmë procesin e kopjimit me kujdes të të gjitha këtyre të dhënave nën mbikëqyrjen e EULEX-it ", citon komunikata e misionit evropian deklaratën e Sparksit.
EULEX-i certifikon kopjet e regjistrave të gjendjes civile, si pjesë e marrëveshjes së 2 korrikut, 2011, në kuadër të dialogut në mes të Prishtinës dhe Beogradit, të lehtësuar nga Bashkimi Evropian.
Regjistrat origjinalë të gjendjes civile aktualisht ndodhen në Serbi.
Sparks ka thënë se ky është një hap i vogël, por shumë i rëndësishëm, meqenëse shënon “fillimin e diçkaje shumë më të madhe”.
"Numri i përgjithshëm i regjistrave që duhet të jenë të certifikuar në këtë proces, do të jetë me mijëra. Pra, ky është një projekt i madh. Ne tani i kemi marrë të gjitha masat për këtë. Së shpejti, në Nish të Serbisë, ne do të fillojmë procesin e kopjimit me kujdes të të gjitha këtyre të dhënave nën mbikëqyrjen e EULEX-it ", citon komunikata e misionit evropian deklaratën e Sparksit.
EULEX-i certifikon kopjet e regjistrave të gjendjes civile, si pjesë e marrëveshjes së 2 korrikut, 2011, në kuadër të dialogut në mes të Prishtinës dhe Beogradit, të lehtësuar nga Bashkimi Evropian.
Regjistrat origjinalë të gjendjes civile aktualisht ndodhen në Serbi.