Veteranët amerikanë dhe të afërmit e ushtarëve amerikanë të vrarë në Irak kanë paditur pesë banka evropiane, pasi, sipas tyre, ato kanë procesuar para iraniane, që janë përdorur për financim të sulmeve.
Padia e mbi 200 njerëzve është ngritur në një gjykatë në Nju Jork, në bazë të Aktit amerikan kundër terrorizmit, që daton nga viti 1992.
Padia përmend bankat: Barclays Plc, Credit Suisse Group AG , HSBC Holdings Plc, Standard Chartered dhe Bankën Mbretërore të Skocisë, Group Plc.
Thuhet se bankat kanë shkelur sanksionet e vëna ndaj Iranit, duke fshehur lëvizjen e parave përmes SHBA-së në Iran.
Padia pretendon se rreth 100 milionë dollarë janë kanalizuar nga bankat iraniane për grupet kryengritëse në Irak.