Është lansuar sot versioni i ri i këngës "Do They Know It's Christmas?", që ka për qëllim të mbledhë fonde për të luftuar Ebolën.
Nisma vjen nga muzikanti dhe filantropi, Bob Geldof, i cili më 1984 ka mbledhur yje të rokut për këtë këngë, për të ndihmuar të prekurit nga uria në Etiopi.
Në versionin e ri kanë marrë pjesë këngëtari i Grupit U2, Bono, bendi britanik, One Direction, Ed Sheeran, Ellie Goulding, Emeli Sande dhe Sam Smith.
Virusi i Ebolës ka vrarë sivjet mbi 5,000 njerëz në Afrikën Perëndimore.