Irani ka akuzuar pesë fuqitë bërthamore të botës se kanë dështuar të eleminojnë stoqet e tyre dhe ka bërë thirrje për një marrëveshje që synon çarmatimin bërthamor deri në një datë të caktuar.
Zëvendësambasadori i Iranit në Kombet e Bashkuara, Gholam Hossein Dehghani, ka thënë se Shtetet e Bashkuara, Rusia, Kina, Britania dhe Franca kanë premtuar se do të çarmatosen, porse nuk e kanë bërë një gjë të tillë.
Ai ka thënë se një marrëveshje gjithëpërfshirëse dhe e detyrueshme do të ishte mënyra më e mirë për eleminimin e armëve bërthamore.
Fjalimi i tij në një mbledhje të OKB-së në Nju Jork vjen një javë pas nënshkrimit të marrëveshjes kornizë midis Iranit dhe fuqve botërore, e cila kërkon nga Irani që të frenojë aktivitetet bërthamore në këmbim të lehtësimit të sanksioneve ndërkombëtare.
Kjo marrëveshje duhet të finalizohet deri më 30 qershor.