Ndërlidhjet

Rusi, Argjentinë: Marrëveshje për energjinë


Cristina Fernandez de Kirchner dhe Vladimir Putin
Cristina Fernandez de Kirchner dhe Vladimir Putin

Pas takimit në Moskë, presidenti i Rusisë, Vladimir Putin, dhe presidentja e Argjentinës, Cristina Fernandez de Kirchner, kanë shpallur “partneritet të plotë strategjik” midis dy vendeve.

Putin dhe Kirchner kanë mbikëqyrur nënshkrimin e disa marrëveshjeve për bashkëpunim në energji.

Marrëveshjet përfshijnë zotimin e Moskës për të financuar një hidrocentral në Argjentinë dhe bashkëpunimin midis gjigantit rus të gazit Gazprom dhe kompanisë shtetërore të naftës në Argjentinë, YPF.

Putin ka thënë se dy vendet po ashtu janë pajtuar për të zgjeruar bashkëpunimin midis agjencive të mbrojtjes.

Rusia synon të thellojë tregtinë me Amerikën Latine për të kompensuar efektet e sanksioneve që i ka vënë Perëndimi për shkak të ndërhyrjes në Ukrainë.

XS
SM
MD
LG