Ndërlidhjet

SHBA: Indentifikohet personi i armatosur në Teksas


Pamje e vendit në Galrand ku kanë ndodhur të shëtnat
Pamje e vendit në Galrand ku kanë ndodhur të shëtnat

Njëri nga dy personat e armatosur, që kanë shtënë në një garë për karikakturat e Profetit Muhamed në Teksas, është identifikuar nga një zyrtar i zbatimit të ligjit, si person që kishte lidhshmëri me hetimet për terrorizëm.

Të dy personat e armatosur ishin vrarë nga një oficer policie, i cili nuk ishte në detyrë, në ngjarjen në lagjen Garland në Dallas, më 3 maj.

Agjencia FBI tha mbrëmë se e ka bastisur një kompleks banesor në Feniks, në shtetin jugor amerikan, Arizona, dhe i ka analizuar dy makina në terren.

Autoritetet besojnë se banesa i takon njërit prej personave me armë, i cili është identifikuar si Elton Simpson.

Ky zyrtar i agjencisë për zbatimin e ligjit, që ka folur në kushte të anonimitetit, tha se hetuesit po e bastisin pasurinë e Simpsonit lidhur me rastin.

Zëdhënësi i Shtëpisë së Bardhë, Josh Earnest, tha se “nuk ekziston formë e shprehjes, që e arsyeton një akt të dhunës”.

Nisma Amerikane për Mbrojtje të Lirisë ishte organizuese e një gare për përshkrimin më të mirë të karikaturave të Profetit Muhamed, ndërsa çmimi i parë ishte 10 mijë dollarë.

Sipas regjistrimit tatimor, mision i këtij grupi është të veproj kundër “kapitullimit ndaj xhihadit global dhe superioritetit islamik”.

XS
SM
MD
LG