Mbi 350 njerëz janë raportuar të vdekur nga vala e të nxehtit në Indi.
Temperaturat kanë arritur deri në 48 gradë Celsius.
Shumica e viktimave janë regjistruar në shtetet jugore Telangana dhe Andhra Pradesh, ku mbi 140 njerëz kanë vdekur qysh të shtunën.
Autoritetet u kanë bërë thirrje njerëzve që të qëndrojnë në ambiente të mbyllura dhe të pinë shumë lëngje.
I nxehti ka përfshirë dy shtetet qysh në mes të prillit, por numri më i madh i viktimave është shënuar gjatë javës së kaluar.