Familja e liderit të ndjerë taliban, Mulla Omar, tha se nuk e mbështet pasardhësin e tij dhe se intelektualët religjiozë dhe veteranët e kësaj lëvizjeje, duhet ta zgjedhin një tjetër person.
Kjo familje sot ka njoftuar se nuk e njeh Mulla Akhtar Mansurin, i cili nga talibanët është shpallur pasardhës i Mulla Omarit.
Disa burime talibane i kanë thënë agjencisë Reuters se deklarata është bërë nga Abdul Manan, vëllai i vogël i Omarit.
Agjencia tjetër e lajmeve, Associated Press, e ka cituar Mananin që ka thënë se Mansur ishte “selektuar” nga një grup i vogël i mbështetësve të tij.