Ministri i Punëve të Jashtme të Brazilit, Mauro Luiz Lecker Vieira i ka thënë ministrit të Jashtëm të Shqipërisë, Ditmir Bushatit se “procesi i njohjeve të Kosovës është një çështje në evoluim.”
Në një njoftim të lëshuar nga ministria e jashtme e Shqipërisë thuhet se ministri Bushati ka vlerësuar “qasjen e përshkallëzuar të Brazilit kundrejt Kosovës, e materializuar së afërmi me njohjen e dokumenteve të udhëtimit.
“Në këtë kontekst, ai kërkoi ndërmarrjen e hapave të nevojshëm që do të mundësonin pjesëmarrjen e Kosovës në organizatat ndërkombëtare.”
Ndërsa ministri Vieira ka shprehur qëndrimin e Brazilit se “procesi i njohjeve të Kosovës është një çështje në evoluim.”