Kryeministri i Kosovës, Isa Mustafa, i ka dërguar telegram ngushëllimi kancelares gjermane, Angela Merkel, pas ndarjes nga jeta të ish-kancelarit të Gjermanisë Perëndimore, Helmut Schmidt
"Kancelari Helmut Schmidt do të përkujtohet gjithmonë për kontributin e tij të shquar për popullin gjerman dhe për vizionin e tij ndikues në integrimet evropiane”, thuhet në telegramin e kryeministrit Mustafa.
Schmidt ka vdekur në moshën 96-vjeçare, ka njoftuar sot zyra e tij.
Ai ka shërbyer si kancelar i Gjermanisë Perëndimore nga viti 1974 deri më 1982.