Përfaqësusesit e afro 200 vendeve e kanë miratuar propozimtekstin e marrëveshjes në samitin e Kombeve të Bashkuara për klimën, pas katër viteve të punës.
Kjo kthesë është arritur sot në samitin që po mbahet në Paris.
Zyrtarët e lartë qeveritarë e kanë nënshkruar propozimtekstin 42 faqësh, disa minuta para se të kalonte afati i përcaktuar për sot, kështu që është punuar edhe gjatë natës.
Ideja është që në tekst të paraqiten opsionet, që sillen prej qëllimit afatgjatë për ngadalësimin e ndryshimit klimatik, e deri në rritjen e financimit për klimë për vendet në zhvillim, që do të mund të zgjidhen nga ministrat javën e ardhshme.
Megjithatë, shumë shtete thanë se propozimteksti, që është rezultat i punës katërvjeçare, prej se ky proces kishte filluar në Durban në vitin 2011, i ka lënë shumë çështje të pa zgjidhura.
Shefi i ekipit negociator të Kinës në bisedimet e Parisit për klimën, tha se çfarëdo marrëveshje e miratuar në negociata, duhet të jetë juridikisht obliguese në tërësi, e jo vetëm pjesë të saj.