Ministria e mbrojtjes e Afganistanit thotë se nga sulmi i militanëtve talibanë janë vrarë së paku 50 vetë. Ky sulm u bë kundër bazës së dytë më të madhe ushtarake në qytetin Kandahar.
Në njoftimin e sotëm të Ministrisë së mbrojtjes theksohet se janë vrarë 38 civilë, 10 ushtarë dhe dy policë afganë.
Në mesin e civilëve të vrarë ka edhe femra e fëmijë. Ministria thotë se janë vrarë edhe 11 talibanë, gjatë betejës, e cila ka zgjatur më tepër se 24 orë.
Nuk ka raporte për viktima në mesin e ushtarëve të jashtëm.
Sulmi i talibanëve filloi pardje në mbrëmje.
