Autoritetet në Bahrejn kanë thënë se kanë shkatërruar një qelizë, të lidhur me Iranin, për komplot sulmesh në këtë ishull.
Qeliza, e cila besohet se ka lidhje me Gardën Revolucionare të Iranit dhe me milicinë e Libanit, Hezbollah, ka planifikuar të kryejë disa “bombardime të rrezikshme” në Bahrejn, ka thënë Ministria e Brendshme e këtij vendi.
Deklarata vjen pak ditë pasi Bahrejni, aleat i Arabisë Saudite, ka ndërprerë lidhjet me Iranin, për shkak të krizës diplomatike midis Teheranit dhe Riadit, e cila është shkaktuar me ekzekutimin e një kleriku shiit nga autoritetet saudite.
Riadi ka ndërprerë lidhjet diplomatike me Teheranin, pasi protestuesit kanë sulmuar ambasadën e Arabisë Saudite në Iran.
Bahrejni sundohet nga një monarki sunite, por ka një shumicë shiite, e cila ka mbështetur protestat masive në vitin 2011 për të drejta më të mëdha politike.