Një sulmues vetëvrasës ka hedhur veten në erë pranë ambasadës ruse në Kabul.
Raportet e mediave afgane thonë se së paku pesë njerëz janë vrarë.
Ambasada ruse ka thënë se asnjë punonjës i saj nuk është plagosur.
Zëdhënësi i Ministrisë së Brendshme të Afganistanit, Najib Danish, ka konfirmuar se sulmi ka qenë shpërthim vetëvrasës.
Përgjegjësinë për sulmin nuk e ka marrë ende asnjë grup, ndonëse dyshimet bien mbi talibanët afganë.