Deputeti i Lëvizjes Vetëvendosje, Albin Kurti, është sulmuar me vezë nga dy persona, teksa po hynte në objektin e Kuvendit të Kosovës.
Njëri nga këta persona është shoqruar nga Policia e Kosovës.
Lajmi është konfirmuar edhe nga Lëvizja Vetëvendosje përmes një postimi në Facebook.
Kuvendi pritet të mblidhet sot në një seancë plenare, por partitë opozitare kanë paralajëmruar sërish bllokimin e saj.
Opozita ka thënë se nëse partitë në pushtet provojnë të zgjedhin presidentin e ri, ku kandidat për këtë post është lideri i Partisë Demokratike të Kosovës, Hashim Thaçi, protestat do të shtrihen edhe në rrugë.
Zgjedhja e presidentit nuk është në rendin e ditës, andaj kjo pikë mund të iniciohet vetëm si seancë e jashtëzakonshme.
Përplasjet e ashpra midis pushtetit dhe opozitës kanë filluar që nga nënshkrimi i marrëveshjes me Serbinë, më 25 gusht të vitit të kaluar, për themelimin e Asociacionit të komunave me shumicë serbe.
