Veseli: Krenar me fitoren e sotme
Lideri i Partisë Demokratike të Kosovës së Kosovës, Kadri Veseli ka falënderuar qytetarët, të cilët kanë votuar sot në zgjedhjet e parakohshme parlamentare.
Veseli në një postim në Twitter ka thënë se është “krenar me fitoren e sotme”.
Shënim i redaksisë: Nga Komisioni Qendror i Zgjedhjeve nuk ka ende asnjë rezultat zyrtar.
DnV publikon rezultatet e para, prin koalicioni PAN, pasuar nga Vetëvendosje
Koalicioni i organizatave joqeveritare, Demokracia në Veprim, duke u bazuar në rezultate preliminare prej 65 për qind të vendvotimeve, ka dalë me rezultate të reja rreth zgjedhjeve parlamentare në Kosovë.
Nga votat e numruara koalicioni i Partisë Demokratike të Kosovës, Aleancës për Ardhmërinë e Kosovës dhe partisë Nisma ka fituar 34.60 për qind të votave. Pasohet nga Lëvizja Vetëvendosje me 26.2 për qind. Kurse koalicioni Lidhja Demokratike e Kosovës, Aleanca Kosova e Re dhe Alternativa me 25.8 për qind të votave.
Po ashtu, Demokracia në Veprim ka potencuar se Lista Serbe ka fituar 3.5 për qind, kurse subjektet tjera 8.8 për qind.
Delawie: Qëllimi i përbashkët është Kosova
Pa marrë parasysh numrin përfundimtar të votave, sfidat dhe mundësitë mbeten. Qëllimi i përbashkët dhe jo politika duhet të jetë qëllimi për Kosovën.
Sot ishte një hap i rëndësishëm për demokracinë e Kosovës. Unë i përgëzoj të gjithë qytetarët që votuan dhe do të qëndroni pranë qëndrimeve tuaja demokratike.
Thaçi: Pres që të formohet një Qeveri pro-evropiane
Presidenti i Kosovës, Hashim Thaçi pas përfundimit të procesit zgjedhor, ka deklaruar se pret që fituesi i zgjedhjeve të parakohshme parlamentare, të formojë një Qeveri pro-evropiane.
Ai ka thënë se pret që Qeveria e re të adresojë prioritetet e menjëhershme të vendit.
Thaçi po ashtu ka përgëzuar qytetarët e Kosovës për mbajtjen e zgjedhjeve, që siç tha ai, ishin të standardeve demokratike.
Facebook Forum