Ndërlidhjet

Presidenti Thaçi emëroi 53 gjyqtarë të rinj


Presidenti i Kosovës, Hashim Thaçi, në ceremoninë e emërimit të gjyqtarëve të rinj

Presidenti i Republikës së Kosovës, Hashim Thaçi, ka dekretuar sot emërimin e 53 gjyqtarëve të rinj.

Gjyqtarët e rinj kanë bërë betimin dhe janë zotuar që do t’i qëndrojnë besnikë Kushtetutës së Republikës së Kosovës.

Në fjalën e tij, presidenti Thaçi ka theksuar se Republika e Kosovës përgjatë viteve të fundit ka bërë dhe po bën reforma në vazhdimësi, me të vetmin qëllim që sistemi gjyqësor të funksionojë sa më mirë.

Presidenti ka thënë se në Republikën e Kosovës, që nga shpallja e pavarësisë, ka filluar një jetë e re, jetë me plotë dinamizëm dhe zhvillim, në të gjitha fushat, prandaj na duhet një punë e palodhshme, në veçanti në fushën e drejtësisë.

Sipas tij, institucionet e Kosovës kanë punuar në plotësimin e legjislacionit që do të bëjë më të lehtë punën e gjyqtarëve.

“Të gjithë duhet të jemi të angazhuar për respektimin e rendit juridik dhe kushtetues e ligjor të Republikës së Kosovës, më qëllim të ecjes përpara dhe që të jemi krah-për-krah me vendet e zhvilluara e demokratike”, ka thënë presidenti Thaçi.

Në fund, 53 gjyqtarët e rinj kanë bërë betimin, me zotimin për të mbrojtur ligjet e Republikës së Kosovës.

XS
SM
MD
LG