Ndërlidhjet

Mattis do të vizitojë Ukrainën, Turqinë dhe Jordaninë


Sekretari amerikan i Mbrojtjes, Jim Mattis

Sekretari amerikan i Mbrojtjes, Jim Mattis, do të udhëtojë gjatë javës së ardhshme në Ukrainë, për t’u takuar me presidentin e këtij vendi, Petro Poroshenko, dhe shefin e Mbrojtjes së Ukrainës.

Kievi e ka cilësuar këtë vizitë si hap, i cili mund të iniciojë një marrëveshje për mbrojtje.

Pentagoni ka thënë se përveç Ukrainës, Matiss do të vizitojë edhe Jordaninë dhe Turqinë.

Datat e sakta të vizitave ende nuk janë bërë të ditura.

Pritet që në Kiev, të diskutohet rreth kundërshtimeve të këtij vendi me Rusinë, e cila është ndëshkuar me sanksione amerikane dhe evropiane, pas aneksimit të paligjshëm të Krimesë dhe mbështetjes së separatistëve në lindje të Ukrainës.

Rusia e mohon një gjë të tillë.

Sipas një deklarate të lëshuar nga Pentagoni, thuhet se Mattis do të sigurojë se Shtetet e Bashkuara, janë “ të përkushtuara për të kthyer sovranitetin dhe integritetin territorial” në këtë vend.

XS
SM
MD
LG