Ndërlidhjet

Finlandë: Për sulmin me thikë, hetime për terrorizëm të mundshëm


Pamje e vendit ku ka ndodhur sulmi me thikë në Turku të Finlandës

I dyshuari i arrestuar për vrasjen e dy njerëzve dhe plagosjen e tëtë të tjerëve, në sulmin me thikë në qytetin Turku në Finandë, po hetohet për vrasje me qëllim të mundshëm terrorist, ka thënë sot policia.

“Për shkak të informacionit që e morën gjatë natës, therrjet në Turku tash po hetohen si vrasje me qëllim terrorist”, thuhet në deklaratën e Buros Kombëtare të Hetimeve në Finlandë.

Policia e ka identifikuar të dyshuarin se person 18 vjeçar, shtatas i Marokut. Pas sulmeve të djeshme, ai është qëlluar me armë nga policia, është arrestuar dhe aktualisht është në spital.

Lidhur me këtë rast, janë arrestuar edhe katër indidivë të tjerë, megjithqë përfshirja e tyre në këtë incident nuk është e qartë.

Dy të vrarët janë shtetas të Finlandës.

XS
SM
MD
LG