Ndërlidhjet

Kroaci: Presidenca konfirmon shtyrjen e vizitës së Vuçiqit


Pamje nga një takim i mëparshëm i presidentes kroate, Kolinda Grabar-Kitaroviq, me presidentin e Serbisë, Aleksandar Vuçiq

Kabineti i presidentes së Kroacisë, Kolinda Grabar-Kitaroviq, sot zyrtarisht ka konfirmuar se është shtyrë vizita e presidentit të Serbisë, Aleksandar Vuçiq, në Zagreb.

“Për arsye të zhvillimit më të ri dhe atmosferës e cila nuk i kontribuon ndërtimit të besimit reciprok, presidentja e Republikës së Kroacisë ka vlerësuar se në këtë moment nuk ekzistojnë parakushte për realizimin e vizitës. Në kontaktet e të dy kabineteve është arrituir pajtueshmëri për shtyrjen e vizitës, e cila ishte e planifikuar deri në fund të këtij viti”, thuhet në deklaratën e palës kroate, që është nënshkruar nga Ivana Cërniq, zëdhënëse e presidentes kroate.

Në këtë deklaratë pastja theksohet se Kolinda Grabar-Kitaroviq, disa herë ka theksuar se dialogu nuk ka alternativë në raportet me të gjithë fqinjët, përfshirë Serbinë, dhe se me nënshkrimin e “Deklaratës së Suboticës” kanë filluar të krijohen parakushtet për zgjidhjen e çështjeve të hapura.

XS
SM
MD
LG