Lideri i shkarkuar katalanas dhe katër anëtarët e qeverisë së tij, janë dorëzuar te autoritetet e drejtësisë në Belgjikë.
Një zëdhënës i zyrës së prokurorit në Bruksel, ka thënë se gjykata ka afat deri në mëngjes për të marrë vendim se si do të vazhdojë me urdhër-arrestin e lëshuar nga një gjykatë në Spanjë.
Puigdemont dhe katër bashkëpunëtorët e tij, udhëtuan për në Belgjikë, pasi qeveria qendore e Spanjës, përkohësisht suspedoi autonominë e Katalonjës.
Puigdemont dhe katër anëtarët e qeverisë akuzohen për rebelim, shfrytëzim të fondeve publike gjatë organizimit të referendumit për pavarësi.