Ndërlidhjet

May përsërit qëndrimin se Rusia qëndron prapa helmimit të ish-spiunit rus


Kryeminstrja e Britanisë, Theresa May

Kryeministrja e Britanisë, Theresa May ka thënë sot se vetëm Rusia mund të fajësohet për helmimin e ish-spiunit rus, Sergei Skripal dhe vajzës së tij.

Ajo ka hedhur poshtë mohimet për përfshirje në këtë incident, që i ka bërë presidenti rus, Vladimir Putin.

Putin kishte thënë të dielën se është e pakuptimtë të mendohet se Moska qëndron prapa këtij incidenti.

“Jam e qartë në atë që kemi parë që se tregon se nuk ka asnjë përfundim tjetër, por shteti i Rusisë është fajtor për atë që ndodhi në Salisbury”, ka thënë May për Sky News, kur është pyetur nëse Putin është duke gënjyer.

Sergei Skripal dhe vajza e tij Yulia, pas ekspozimit ndaj një agjenti kimik, janë në gjendje kritike dhe po trajtohen në një spital në Salisbury të Britanisë.

XS
SM
MD
LG