Ndërlidhjet

Papa Françesku bën thirrje që t’i jepet fund “masakrës” në Siri


Papa Françesku, foto nga arkivi
Papa Françesku, foto nga arkivi

Papa Françesku ka bërë sot thirrje për dhënien fund të “masakrës” në Siri, duke kërkuar pajtim në Lindjen e Mesme.

Këto thirrje, Papa Françesku i bëri gjatë mesazhit të tij tradicional për Pashkët.

“Sot ne lutemi për paqe në gjithë botën, duke filluar nga Siria”, ka thënë Papa gjatë fjalimit të tij.

Duke iu bërë thirrje për “ndërgjegje të gjithë udhëheqësve politikë dhe ushtarak”, Papa kërkoi “që t’i jepet fund sa më shpejt masakrës”, ndërsa dhjetëra mijëra besimtarë ndoqën fjalimin e tij nga Sheshi Shën Pjetri në Vatikan.

Ati i Shenjtë ka bërë thirrje që të lehtësohet dërgimi i “ndimave aq urgjente për vëllezërit dhe motrat tona dhe t’u sigurohen kushtet për kthimin e të zhvendosurve” në Siri.

Besimtarët e krishterë në mbarë botën sot kremtojnë Pashkët, ditë të cilën besimtarët besojnë se Jezu Krishti është ringjallur.

XS
SM
MD
LG