Ndërlidhjet

IS-i merr përgjegjësinë për sulmin vetëvrasës në Afganistan


Flamuri i grupit militant, Shteti Islamik.

Grupi militant, Shteti Islamik ka pretenduar se është përgjegjës për një sulm në një tubim të fushatës zgjedhore në provincën Nangarhar të Afganistanit, transmeton Reuters.

Ky grup ka bërë të ditur njoftimin përmes agjencisë së tyre të lajmeve Amaq.

Grupi militant ka thënë se sulmi vetëvrasës ka lënë të vdekur 35 persona dhe ka plagosur më shumë se 50 të tjerë, pasi sulmuesi ka hedhur në ajër jelekun bombardues.

Sulm i dyshuar vetëvrasës në Afganistan, 13 të vdekur

Zyrtarët afganë kanë thënë më herët se të paktën 13 persona kanë vdekur dhe me shumë se 30 të tjerë janë plagosur, duke paralajmëruar se numri mund të rritet.

Grupi ekstremist, Shteti Islamik ka pretenduar se është përgjegjës për një seri të sulmeve së fundmi, të cilat kanë lënë të vdekur dhjetëra persona në kufi me Pakistanin.

XS
SM
MD
LG