Policia britanike tha se disa njerëz janë plagosur dhe se një person është arrestuar, pas një therjeje me thikë pranë urës së Londrës, në qendër të këtij qyteti.
"Policia u thirr në orën 1:58 pasdite, për një therje me thikë në hapësirat pranë urës në Londër", njoftoi Shërbimi Metropolitan i Policisë në Twitter.
"Një person u ndalua. Besojmë se një numër njerëzish janë plagosur", thuhet po ashtu në njoftim.
Më herët, një gazetar i BBC-së tha se ka parë disa njerëz duke u grindur në urë.
Policia më pas ka arritur në vendin e ngjarjes, tha gazetari.
