Ambasadori i Shteteve të Bashkuara në Kosovë, Philip Kosnett, takoi të martën kryeministrin e ri të Kosovës, Albin Kurti.
Në një postim në Twitter, Kosnett tha se pati një takim pozitiv me Kurtin.
“Takim pozitiv me kryeministrin Kurti për ta uruar atë për formimin e qeverisë. SHBA-ja dhe Kosova mbeten të përkushtuara për partneritet të ngushtë”, shkroi Kosnett.
Kuvendi i Kosovës votoi të hënën Qeverinë e re të vendit, me kryeministër Albin Kurtin.
Një ditë më herët, Lëvizja Vetëvendosje e Kurtit nënshkroi marrëveshjen për koalicionin qeverisës me Lidhjen Demokratike të Kosovës.
Marrëveshja u bë gati katër muaj pas zgjedhjeve parlamentare të 6 tetorit.
Të martën, Kurti mbajti mbledhjen e parë të qeverisë së tij, duke iu drejtuar ministrave me porosinë se "sytë e popullit janë të drejtuar te ky kabinet qeverisës”.
Lexoni edhe këtë:
