Ndërlidhjet

Trump dhe Biden mbajnë tubime në shtetin kritik të Floridës


Joe Biden dhe Donald Trump
Joe Biden dhe Donald Trump

Presidenti i Shteteve të Bashkuara, Donald Trump, dhe sfiduesi i tij në zgjedhjet presidenciale, Joe Biden, mbajtën tubime në shtetin kritik zgjedhor të Floridës.

“Donald Trump është dorëzuar” përballë pandemisë së koronavirusit, tha Biden.

Biden “do t’ju mbyllë brenda”, tha Trump, duke iu referuar izolimeve kombëtare nga pandemia.

Shtetet e Bashkuara janë duke shënuar aktualisht shifra rekorde të rasteve me koronavirus dhe numri i përgjithshëm i tyre është duke iu afruar 9 milionshit.

Me vetëm pesë ditë deri në zgjedhjet e 3 nëntorit, Biden prin në sondazhet e opinionit në shkallë kombëtare.

Por, avantazhi i tij duket më pak i sigurt në shtetet e lëkundura, ku dy partitë kanë nivele të ngjashme të mbështetjes në mesin e votuesve.

Një nga to është edhe Florida.

Florida ka po ashtu 29 vota elektorale.

Një kandidati i duhen 270 vota të tilla për të fituar udhëheqjen e Shtëpisë së Bardhë, të cilat nuk përcaktohen nga vota popullore, por nga fitorja në shtetet veç e veç.

Mbi 81 milionë amerikanë tashmë kanë votuar në zgjedhjet presidenciale - 52 milionë prej tyre me postë.

Koronavirusi - një pikë e nxehtë e zgjedhjeve në SHBA
Ju lutem prisni

No media source currently available

0:00 0:05:55 0:00

XS
SM
MD
LG