Ndërlidhjet

LVV: Presim fitore, qytetarët të mos festojnë në sheshe


Mbështetësit e Lëvizjes Vetëvendosje, duke festuar në Prishtinë, pas mbylljes së vendvotimeve.

Lëvizja Vetëvendosje (LVV) në një konferencë për media, pas përfundimit të procesit të votimit, ka ftuar qytetarët që të mos mblidhen në rrugë për të festuar, por të festojnë në shtëpitë e tyre.

Albulena Haxhiu nga LVV-ja tha se janë duke pritur rezultatet e zgjedhjeve dhe theksoi se fokusi i tyre është i përqendruar në ruajtjen e vullnetit të qytetarëve.

“Kam një masazh falënderimi dhe mirënjohjeje të thellë për qytetarët. Dalja e tyre në zgjedhje ka qenë e kënaqshme për demokracinë tonë. I ftoj qytetarët e Kosovës që festën e tyre dhe festën tonë ta bëjnë secili pranë familjes në shtëpitë tona. Është me rëndësi të mos tubohemi në sheshe dhe rrugë për shkak të pandemisë”, tha Haxhiu.

Ajo tha se janë duke pritur rezultatet e Komisionit Qendror të Zgjedhjeve dhe sapo t’i kenë rezultate e para, do të kenë paraqitje para medieve.

“Presim të kemi fitore të madhe dhe do të kemi bashkëpunim të mirë me opozitën në kuvend”, tha Haxhiu.

Nga rezultate e deritanishme preliminare që po publikohen në ueb-faqen e KQZ-së, LVV po prin me vota.

Rezultatet preliminare nuk përfshijnë votat me kusht, votat me postë edhe votat e personave me nevoja të veçanta.

Dalja në zgjedhjet e parakohshme parlamentare të 14 shkurtit ishte 47 për qind.

Në këto zgjedhje të drejtë vote kanë pasur mbi 1.7 milion qytetarë.

XS
SM
MD
LG