Ndërlidhjet

Pesë viktima dhe 437 raste të reja me koronavirus në Kosovë


Klinika Infektive në Prishtinë - Njësia e Kujdesit Intensiv

Instituti Kombëtar i Shëndetësisë Publike (IKSHPK), ka regjistruar të enjten 437 raste të reja me koronavirus, pas testimit të 2,643 mostrave në institucionet publike dhe ato private.

Në 24 orët e fundit, ky Institut ka regjistruar pesë viktima të diagnostikuara me sëmundjen COVID-19, që shkakton koronavirusi.

"Rastet e vdekjes janë nga komunat: Deçan 1 rast (62 vjeç), Obiliq 1 rast (30 vjeç), Podujevë 1 rast (76 vjeç), Prishtinë 1 rast (82 vjeç) dhe Prizren 1 rast (77 vjeç)", ka njoftuar IKSHPK.

Në të njëjtën periudhë, këtë sëmundje e kanë mposhtur 255 persona, derisa raste aktive me koronavirus janë 7.145.

Prej 13 marsit të vitit të kaluar, autoritetet shëndetësore në Kosovë kanë regjistruar 67.906 persona të infektuar me koronavirus.

Prej tyre 1.587 pacientë kanë vdekur.

XS
SM
MD
LG