Ndërlidhjet

Sulm pranë bazës ajrore me ushtarë amerikanë në Irak


Trupat amerikane në Irak.

Dy raketa goditën të dielën një vend pranë një baze ajrore irakiane që strehon ushtarë amerikanë në veri të Bagdadit. Askush nuk e ka marrë ende përgjegjësinë për sulmin, por SHBA-ja rregullisht fajëson fraksionet irakiane të lidhura me Iranin për sulme të tilla ndaj trupave dhe diplomatëve të saj.

Grupet paraushtarake të lidhura me Iranin kanë kërkuar që të gjitha trupat e huaja, duke përfshirë forcat amerikane të largohen nga Iraku, duke e quajtur praninë e tyre një okupim.

SHBA-ja mban rreth 2500 trupa në Irak.

Misioni i një koalicioni të udhëhequr nga SHBA-ja në Irak është lufta kundër militantëve të grupit të ashtuquajtur Shtetit Islamik. Në këtë vend është gjithashtu një mision i udhëhequr nga NATO-ja që trajnon forcat irakiane të sigurisë.

Sulmi i fundit ndodhi derisa Uashingtoni po përgatitet të nisë një dialog strategjik me qeverinë e kryeministrit irakian Mustafa al-Kadhemi, i cili ka marrë rregullisht kërcënime nga fraksionet pro-Iranit.

XS
SM
MD
LG