Zelensky pret “lajme të mira” për dërgesa të reja me armë
Zelensky pret “lajme të mira” për dërgesa të reja me armë
Presidenti ukrainas, Volodymyr Zelensky. Kiev, 27 maj 2022.
Presidenti i Ukrainës, Volodymyr Zelensky, tha se shpreson që aleatët do të ofrojnë armët e duhura, teksa forcat ukrainase po tentojnë të pengojnë përparimin e forcave pushtuese ruse në lindje midis raportimeve për luftime të ashpra në qytetin lindor të Severodonjeckut.
Gjatë adresimit në orët e vona të 28 majit, Zelensky tha se ai pret “lajme të mira” sa i përket dërgesave me armë gjatë kësaj jave, por nuk dha më shumë detaje.
Presidenti ukrainas tha se situata ushtarake në Donbas është shumë e ndërlikuar, duke shtuar se forcat po luftojnë në një numër qytetesh, përfshirë në Severodonjeck dhe Lisiçanks, dy zonat më të mëdha që janë nën kontrollin ukrainas në rajonin e Luhanskut.
“Është jashtëzakonisht vështirë atje. Unë u jam mirënjohës të gjithë atyre që po i rezistojnë këtij sulmi”, tha ai.
Forcat pushtuese ruse raportohet se kanë bërë disa përparime në ditët e fundit në rajonin lindor ukrainas të Donbasit, që përbëhet nga Luhansku dhe Donjecku.
Luftimet për kontrollin e Severodonjeckut po vazhdojnë me forcat ruse që kryen sulme më 28 maj, tha Shtabi i Përgjithshëm i ushtrisë ukrainase më 29 maj.
“Me përdorimin e artilerisë, forcat ruse kanë kryer operacione në zonën e qytetit të Severodonjeckut”, tha Shtabi i Përgjithshëm përmes një postimi në Facebook.
Artileria ruse ka goditur rrugën Lishiçansk-Bahmut, që Rusia duhet ta mbyllë nëse dëshiron të rrethojë forcat ukrainase, ndërkaq policia ukrainase raportoi për “shkatërrim të madh” në Lisiçansk.
Ndërkaq, Ministria britanike e Mbrojtjes tha se nëse Rusia arrin me sukses të marrë këtë zonë, atëherë Kremlini do të mund ta paraqiste këtë si “arritje politike”, të cilën do të mund ta përdorte te populli rus për të justifikuar pushtimin e Ukrainës që nisi më 24 shkurt.
Zelensky tha se Ukraina po arrin në një pikë ku mund të jetë superiore ndaj Rusisë, si në aspektin e teknologjisë, po ashtu edhe në aspektin e aftësisë për t’i goditur forcat e Moskës.
Komentet e tij erdhën pasi ministri ukrainas i Mbrojtjes, Oleksei Reznikov, tha se shteti ka nisur që të pranojë raketa kundër anijeve, Harpoon nga Danimarka dhe obusë nga Shtetet e Bashkuara.
Raketat Harpoon besohet se shmangin sistemet e radarëve. Ato mund të hidhen nga anijet, nëndetëset, avionët apo edhe nga ekipet përgjatë vijës bregdetare.
Reznikov tha se këto raketa do të përdoren përkrahë raketave ukrainase Neptun, për të mbrojtur Detin e Zi, përfshirë edhe qytetin-port, Odesa.
Serhiy Bratchuk, zëdhënës i administratës ushtarake në rajonin e Odesës, tha se “shumë Harpoon na janë dorëzuar dhe ne mund t’i përdorim për të fundosur të gjithë flotën ruse në Detin e Zi”.
Armatimi i rëndë amerikan që po i dërgohet Ukrainës
1/11Njëmbëdhjetë helikopterë Mi-17
Këta helikopterë të dizajnuar nga sovjetikët përdoren kryesisht për transport dhe mund të bartin deri në 24 trupa, apo dërgesa deri në katër tonë, por disa variante janë të pajisura me mitralozë dhe/apo raketa.
Ky është armatimi që i është premtuar Ukrainës, si pjesë e një pakoje ndihmash ushtarake në vlerë prej 800 milionë eurosh, të njoftuar nga Shtëpia e Bardhë më 13 prill.
(Përgatiti: Trim Haliti)
2/11Pesëqind raketa Javelin dhe "mijëra sisteme tjera kundërblindë"
Raketat Javelin, të prodhuara në SHBA, tashmë janë përdorur gjerësisht kundër autoblindave ruse, në luftën në Ukrainë. Arma mundëson sulme "qëllo dhe harro" nga një largësi prej 2.6 kilometrash. Në këto sulme, raketa udhëton drejt objektivit të caktuar, që do të thotë se luftëtarët mund ta lëshojnë atë dhe menjëherë të strehohen. Një hedhës dhe raketë kushton 178,000 dollarë, sipas buxhetit të vitit 2021 të Pentagonit.
Ky është armatimi që i është premtuar Ukrainës, si pjesë e një pakoje ndihmash ushtarake në vlerë prej 800 milionë eurosh, të njoftuar nga Shtëpia e Bardhë më 13 prill.
(Përgatiti: Trim Haliti)
3/11Dhjetë radarë kundërartileri AN/TPQ-36
Ky "radar për zbulimin e armëve" përdoret për të vërejtur sulmet me artileri dhe gjurmon trajektoren e një predhe për të llogaritur nga është nisur gjylja e armikut.
Ky është armatimi që i është premtuar Ukrainës, si pjesë e një pakoje ndihmash ushtarake në vlerë prej 800 milionë eurosh, të njoftuar nga Shtëpia e Bardhë më 13 prill.
(Përgatiti: Trim Haliti)
4/11Dyqind automjete të blinduara M113 për transportimin e personelit
Këto automjete u përdorën shumë gjatë luftimeve në Luftën e Vietnamit, por tani përdoren nga Shtetet e Bashkuara kryesisht si automjete mbështetëse, në rolin e ambulancave në fushëbeteja. Një M113 mund të transportojë deri në 15 pasagjerë dhe përdor blindë të lehtë alumini, e cila mbron vetëm kundër armëve të vogla.
Ky është armatimi që i është premtuar Ukrainës, si pjesë e një pakoje ndihmash ushtarake në vlerë prej 800 milionë eurosh, të njoftuar nga Shtëpia e Bardhë më 13 prill.
(Përgatiti: Trim Haliti)
5/11Sasi të paspecifikuara të eksplozivëve C-4 dhe të "pajisjeve të shkatërrimit për pastrim të pengesave”
Ky eksploziv plastik mund të improvizohet dhe ka fuqi shpërthyese për të çarë çelikun, si linjat hekurudhore. Luftëtarët ukrainas janë xhiruar duke përdorur eksplozivët për të shkatërruar një urë hekurudhore, afër kufirit me Rusinë.
Ky është armatimi që i është premtuar Ukrainës, si pjesë e një pakoje ndihmash ushtarake në vlerë prej 800 milionë eurosh, të njoftuar nga Shtëpia e Bardhë më 13 prill.
(Përgatiti: Trim Haliti)
6/11Treqind sisteme të telekomanduara taktike ajrore Switchblade
Këta "dronë vetëvrasës" peshojnë vetëm 2.5 kilogramë, dhe mund të dislokohen shpejt nga një tub sikur mortajë, i cili i lëshon ato në ajër. Switchblade përdor pamjet e drejtpërdrejta nga kamera për të gjetur objektivat dhe është i pajisur me bombë të vogël, që mund t'i vrasë armiqtë dhe t'i dëmtojë automjetet jo të blinduara. Sistemi është shumë më i shpejtë dhe më i lirë sesa angazhimi i mbështetjes ajrore, teksa secili dron llogaritet se kushton 6,000 dollarë. Një version më i madh i Switchblade është i aftë të shkatërrojë edhe autoblindat.
Ky është armatimi që i është premtuar Ukrainës, si pjesë e një pakoje ndihmash ushtarake në vlerë prej 800 milionë eurosh, të njoftuar nga Shtëpia e Bardhë më 13 prill.
(Përgatiti: Trim Haliti)
7/11Sasi të paspecifikuara të minave kundërpersonel M18A1 Claymore
Këto mina janë të mbushura me 700 toptha çeliku sa një bizele, dhe mbështeten nga një mur eksplozivi. Kur shpërthehen, saçmet e çelikut shpërndahen më shpejtë sesa shumica e plumbave të pushkëve.
Ky është armatimi që i është premtuar Ukrainës, si pjesë e një pakoje ndihmash ushtarake në vlerë prej 800 milionë eurosh, të njoftuar nga Shtëpia e Bardhë më 13 prill.
(Përgatiti: Trim Haliti)
8/11Dy radarë të vëzhgimit ajror AN/MPQ-64 Sentinel
Ky sistem radari është i krijuar për të zbuluar aeroplanët, dronët dhe raketat në ardhje, nga një largësi prej 40 kilometrash.
Ky është armatimi që i është premtuar Ukrainës, si pjesë e një pakoje ndihmash ushtarake në vlerë prej 800 milionë eurosh, të njoftuar nga Shtëpia e Bardhë më 13 prill.
(Përgatiti: Trim Haliti)
9/11Njëqind automjete të blinduara për qëllime të ndryshme
Humvee është bërë markë e ushtrisë amerikane. Automjetet e ulëta mund të pajisjen me armatim, përfshirë mitralozë apo raketa kundërtanke.
Ky është armatimi që i është premtuar Ukrainës, si pjesë e një pakoje ndihmash ushtarake në vlerë prej 800 milionë eurosh, të njoftuar nga Shtëpia e Bardhë më 13 prill.
(Përgatiti: Trim Haliti)
10/11Tetëmbëdhjetë obusë 155-milimetërsh dhe 40,000 njësi artilerie
Nuk dihet se cilët obusë 155-milimetërsh nga arsenali i SHBA-së do t'i dërgohen Ukrainës. Modeli M198, që shihet në këtë fotografi, për herë të parë ka nisur të përdoret nga ushtria amerikane në vitet e 1970-ta, por ka disa të meta nga aspekti i dizajnit, dhe tani pothuajse është zëvendësuar krejtësisht nga një version më i ri. Obusi M198 mund të bëjë qitje në një largësi prej mbi 20 kilometrash.
Ky është armatimi që i është premtuar Ukrainës, si pjesë e një pakoje ndihmash ushtarake në vlerë prej 800 milionë eurosh, të njoftuar nga Shtëpia e Bardhë më 13 prill.
(Përgatiti: Trim Haliti)
11/11Sasi të paspecifikuara të uniformave mbrojtëse kimike, biologjike, radiologjike dhe bërthamore
Pajisjet e tilla do të ishin vitale në rast të ndonjë sulmi me armë bërthamore apo kimike. Pentagoni po ashtu është zotuar se do ta furnizojë Ukrainën me pajisje mjekësore, jelekë antiplumb dhe helmeta, pajisje optike, laserë dhe modele të paspecifikuara të anijeve të telekomanduara për mbrojtje bregdetare.
Ky është armatimi që i është premtuar Ukrainës, si pjesë e një pakoje ndihmash ushtarake në vlerë prej 800 milionë eurosh, të njoftuar nga Shtëpia e Bardhë më 13 prill.
(Përgatiti: Trim Haliti)
Previous slide
Next slide
Muajin e kaluar, luftanija ruse Moskva u fundos pasi Ukraina tha se e ka goditur me raketa. Moska tha se anija kishte pasur një shpërthim të municionit.
