BE-ja i kërkon Kosovës që “menjëherë” ta shtensionojë situatën
Bashkimi Evropian dënoi dhunën në Zveçan - komunë me shumicë serbe në veri të Kosovës - “në termat më të fuqishëm të mundshëm”.
Një ditë më herët atje, grupe protestuesish serbë, që kundërshtonin instalimin e kryetarëve të rinj shqiptarë, u përleshën me forcat paqeruajtëse të KFOR-it.
Së paku 25 ushtarë u plagosën, ashtu si edhe dhjetëra protestues.
“Aktet e dhunshme, të kryera ndaj trupave të KFOR-it, mediave, civilëve dhe policisë janë absolutisht të papranueshme”, tha shefi i politikës së jashtme të BE-së, Josep Borrell.
Përmes një postimi në Twitter, ai tha se BE-ja u kërkon autoriteteve të Kosovës dhe protestuesve që “menjëherë dhe pa kushte” ta shtensionojnë situatën.
“Ne presim që palët të veprojnë me përgjegjësi dhe të gjejnë menjëherë një zgjidhje politike përmes dialogut”, tha Borrell.
Vazhdojnë protestat
Protesta kundër kryetarëve shqiptarë të komunave me shumicë serbe Zveçan, Zubin Potok dhe Leposaviq, u paralajmëruan edhe për sot.
Një ditë më herët, ushtarët e KFOR-it u përleshën me protestues serbë që refuzuan t’i binden thirrjes së misionit paqeruajtës për t’u larguar nga hapësira pranë komunës së Zveçanit.
Së paku 25 ushtarë të KFOR-it u plagosën, ashtu si edhe dhjetëra protestues.
Shikoni pamjet:
Mirëmëngjesi të gjithëve,
REL vazhdon sot me mbulimin direkt të zhvillimeve në veri të Kosovës.
Ekipet tona janë në terren. Na përcillni për më të rejat e fundit.
Të nderuar lexues,
REL po e mbyll mbulimin direkt të zhvillimeve në veri të Kosovës. Për të rejat e fundit, na përcillni në rubrikën e lajmeve.
Rikthehemi prapë mëngjesin e së martës. Faleminderit që na ndiqni! Natën e mirë!