Ministri i Punëve të Brendshme i Kosovës, Xhelal Sveçla, thotë se, një vit pas sulmit në Banjskë, situata e sigurisë në Kosovë është “shumë, shumë më e mirë”. Në intervistën dhënë Radios Evropa e Lirë, ai flet për aktakuzën e ngritur në rastin Banjska, integrimin e komunitetit serb në veri, mbylljen e institucioneve paralele serbe, si dhe planet për hapjen e urës kryesore të Ibrit. “Dora e zgjatur e Serbisë [në veri] është duke u dobësuar. Një pjesë e kriminelëve janë në burg, një pjesë janë në arrati”, thotë ministri i Brendshëm.